O Celta publica na súa web a nova equipación 2013/2014

Chegan unhas das imagaxes máis esperadas pola afección celeste, as das novas camisetas para a tempada 2013/2014, confeccionadas pola prestixiosa marca alemá adidas, patrocinadora do clube. As equipacións ofrecen unha espléndida calidade e entre as principais novidades figura a inclusión nunha das mangas o logotipo do 90 aniversario celeste. 
As camisetas adidas do Real Club Celta para a próxima tempada poranse á venda entre finais do presente mes e principios do próximo, unha vez que conclúan as obras de mellora e renovación da tenda oficial situada nos baixos do Estadio de Balaidos, que adecuará a súa imaxe á da firma adidas, cuxos produtos, unha ampla gama, estarán dispoñibles no establecemento celeste.

A primeira equipación suscita un deseño sinxelo e elegante, combinando o clásico azul celeste representativo do club con detalles en negro nos ribetes de pescozo e mangas. 
O escudo da camiseta será bordado e incluirá unha serie de novidades como o novo deseño do logotipo do patrocinador principal (citroën) e o logotipo do 90 aniversario do club situado na manga esquerda. Ademais, cóntase coa publicidade de Estrella Galicia 0,0 na parte baixa das costas e o detalle do trisquel na parte traseira do pescozo. 

A segunda equipación, pola contra, presenta un deseño moito máis agresivo e innovador, continúa baseándose na potente combinación de cores celeste-negro, esta vez investida, cunha base negra sobre a que destacan bloques de cor e detalles celestes. O escudo continúa sendo bordado e a camiseta presenta os mesmos elemento publicitarios que a primeira equipación.

A nivel tecnolóxico, ambas equipacións cumpren cos máximos estandartes de calidade de adidas. Tanto a primeira equipación como a segunda equipación incorporan tecnoloxía climacool, que axuda a expulsar a calor e a suor do corpo grazas á súa composición de fibra e á combinación de diferentes tipos de tecido de malla abertos, situados estratéxicamente para permitir que o aire circule a través do tecido e seque a suor. Facilitando deste xeito o mellor rendemento dos xogadores das distintas categorías do club.